Dy persona humbën jetën për shkak të rënies së pemëve në Lucca dhe Carrara të Toscana-s këtë të enjte, për shkak të motit që keq që ka përfshirë veriun e Italisë. Shumë persona të tjerë raportohen të plagosur, ndërsa dëmet janë po ashtu të mëdha.
Sipas asaj që shkruan ANSA, shumë prej banorëve mbetën të plagosur nga rënia e pemëve. Në Barga afër Lucca, një stuhi e fuqishme shkatërroi një pjesë të një çatie e cila më pas ra mbi një makinë me njerëz brenda, duke i lënë ata të plagosur.
Në Massa Carrara një tornado plagosi një punonjës të mirëmbajtjes së rrugëve. Në Firence, një person u godit nga një degë peme teksa ndodhej në një treg. Dëme u raportuan në tregun në Marina di Carrara ndërsa një stuhi e fuqishme shkaktoi përmbytje në rajonin bregdetar të Versilia, ku era fluturoi çadrat e shezllonet. Në Liguria, dallgët e mëdha të detit goditën bregdetin midis Chiavari dhe Sestri Levante.
Paura per il #maltempo a #Piombino, in #Toscana, dopo che le raffiche di vento hanno travolto con violenza le cabine di una ruota panoramica che si sono lesionate https://t.co/Lyyg2ERtsG pic.twitter.com/cuZOseypds
— Sky tg24 (@SkyTG24) August 18, 2022
Kryetari i bashkisë së Sestri Levante pranë Genova-s tha se do të kërkonte shpalljen e gjendjes së fatkeqësisë natyrore për shkak të dëmeve nga stuhia dhe përmbytjet. 5 familje u evakuuan në Tigullio pasi një tornado goditi zonën dhe dëmtoi shtëpitë e tyre.
Në La Spezia dhe në rrethinat e saj, stuhia shkuli çatitë e shtëpive ndërsa degët e pemëve ranë nëpër rrugë. Në verilindje, në Ferrara, një vinç u rrëzua dhe goditi disa vila. Shiu i dendur detyroi mbylljen e parqeve të qytetit të Milanos. Në Modena, 11 familje u evakuuan pasi çatia e një blloku apartamentesh po ashtu u shkul nga era e fortë.
Mia sorella, di ritorno a casa, mi ha inviato questo video. ????????????????#massa #toscana #meteo #maltempo pic.twitter.com/pehVOdvO09
— Letizia Mannini ???? (@Letizia_1995) August 18, 2022
Sinoptikanët thonë se stuhitë do të vazhdojnë në veri edhe për 36 orë të tjera. Më pas pritet të rikthehet moti i mirë. E teksa në veri dhe qendër të Italisë stuhitë po shkaktojnë kaos, jugu i vendit përballet me temperatura deri në 45 gradë Celsius.
