Mbi pjesët jugore të Mesdheut u formua një stuhi mesdhetare. Ky sistem ciklonik i ngjashëm me uragan dhe sisteme tropikale gjatë vikendit do të zbresë direkt në jug të Greqisë (Kretë, Peleponez) gjatë fundjavës, dhe pastaj në bregun perëndimor të Turqisë, njofton MeteoBallkan,
Gjatë ditës së djeshme mbi pjesët jugore të Detit Mesdhe (përpara brigjeve të Libisë), një ciklon u formua dhe këtë mëngjes u kthye në një stuhi mesdhetare Më parë, stuhitë e mëdha në veri të Libisë dhe në pjesët veriperëndimore të Tunizisë kanë sjellë stuhi dhe përmbytje të jashtëzakonshme dhe lokalisht ka rënë 100 mm shi për metër katror. Përndryshe qendra e këtij sistemi është nisur ndaj veriut dhe gjatë ditës së sotme do të gjendet afër Detit Jon dhe pjesëve jugore të Greqisë, Libisë dhe jugut të Italisë. Priten stuhi të fuqishme me erëra uraganike që do të shkojnë deri në 160 km/h dhe mbi 200 mm shi për metër katror. Cikloni me pjesët e tij periferike do të arrijë deri në jug të Italisë dhe në jugperëndim të Greqisë dhe në skajet e veriut të Libisë.
Në qendër të kësaj stuhie do të jetë edhe syri i ciklonit që është karakteristikë e cikloneve dhe uraganeve të vërteta tropikale dhe ajo që i bën të ngjashëm është temperatura e Detit Mesdhe, që është rreth 27 ° C në këto zona. Megjithatë, kjo stuhi e Mesdheut, si të gjitha ato të mëparshmet, është dukshëm më e vogël në përmasa dhe diametër, por ende shumë e fuqishme për të shkaktuar pasoja katastrofike kur arrin në tokë.
Të shtunën, stuhia e Mesdheut do të lëvizë mbi pjesët jugore të Greqisë dhe e do të godasë Kretën dhe Peleponezin. Këto zona do të goditen nga stuhi të fuqishme, dhe në afërsi të syrit të ciklonit do të ketë edhe erëra të fuqishme, Pritet të bjerë mbi 200 mm shi për metër katror, në nivel lokal edhe deri në 500 mm, dhe mund të ndodhin përmbytje dhe dëme katastrofike.
Të dielën, kjo stuhi e Mesdheut do të kalojë nëpër Detin Egje drejt bregut perëndimor të Turqisë dhe do të sjellë erëra të stuhishme, valë të mëdha, shira të mëdha dhe përmbytje.
Kjo është paraqitja e dytë e një uragani mesdhetar gjatë një jave./MeteoBallkan
