Këto ditë uji i Detit Mesdhe është jashtëzakonisht i nxehtë dhe kjo mund të jetë potencial për krijimin e stuhive të fuqishme në Mesdhe dhe Evropë.
Temperatura e ujit të Mesdheut zakonisht në këtë periudhë kohore është rreth 24 gradë Celcius, derisa këto ditë ajo ka shkruar në 28 deri në 29 gradë Celcius, që është nxehtësi ekstreme për ujin e Mesdheut.
Këto temperatura janë ekuivalente me temperaturat e ujit në Gjirin e Meksikës, vendkrijim i uraganeve më të fuqishme në planet.
Prandaj, për këtë arsye, Mesdheu mund të ketë kushte ideale për krijimin e stuhive të fuqishme, sidomos në vjeshtë, nëse temperaturat e ujit mbesin kaq të larta.
Këto stuhi eventuale, mund të prekin Italinë, Greqinë dhe mund të ndodhin edhe në Evropë dhe Ballkan. Por, normalisht kjo nuk do të thotë se do të ketë me siguri të plotë stuhi të fuqishme, ngase kjo varet nga shumë kushte të tjera të atmosferës, siç janë presioni i ajrit dhe rrymat ajrore në Evropë.
Pra, gjendja e volitshme sinoptike dhe ardhja eventuale e masave ajrore ciklonike, së bashku me energjinë e ujit të nxehtë të Mesdheut mund të krijojnë ciklone shumë të fuqishme gjatë muajve të ardhshëm, sidomos në vjeshtë./MeteoBallkan
