Temperatura të larta verore kanë përfshirë Kontinentin e vjetër dhe më së nxehti është në Spanjë me 42 gradë Celsius. Mjaft nxehtë është edhe në Francë dhe Gjermani për momentin, ndërsa në juglindje të Frances po ashtu temperatura ka arritur pak mbi 40 gradë Celsius. Freskët sot është vetëm në Britaninë e Madhe, disa vise të Skandinavisë dhe në Rusi në rajonin e Moskës dhe rrethinës. Në jug të Rusisë është shumë nxehtë.
Gjatë natës priten stuhi kalimtare në shumë pjesë të Francës dhe Gjermanisë, ndërsa nesër stuhi të fuqishme me shi të rrëmbyeshëm do të përfshijnë Zvicrën dhe jugun e Gjermanisë, Austrinë dhe pastaj Ballkanin verior dhe veriperëndimor.
Temperatura verore kanë depërtuar edhe në Ballkan dhe në territoret tona. Stuhi të izoluara tani ka në Francë dhe Austri. Sistemi që gjendet në Austri do të përparojë drejt Sllovenisë duke sjellur stuhi të forta të izoluara.
Territoret tona janë të qeta nën ndikimin anticiklonik dhe temperaturat afrikane kanë filluar të arrijnë. Nga nesër do të fuqizohet nxehtësia në viset tona për shkak të rrymave ajrore nga jugperëndimi që transportojnë ajrin e nxehtë afrikan në drejtim të viseve tona./METEOBALLKAN
