Ngrohja e papritur e stratosferës (SSW), e cila ndodhi rreth Vitit të Ri, ka çuar në çarjen e vorbullës Polare duke e ndarë në dy pjesë. Njëra pjesë u shty drejt kontinentit evropian dhe tjetra u drejtua drejt kontinentit të Amerikës së Veriut. Rezultatet e ndarjes së vorbullës zakonisht hyjnë në fuqi në 2-3 javë për vorbullën e parë, gjë që vorbullën e dytë zakonisht e ndjek me një vonesë prej 1-2 javësh.
Kontinenti evropian ka përjetuar një dimër mjat dinamik dhe me temperatura ekstremisht të ftohta në 2 javët e fundit. Tani, efektet janë më të dukshme në të gjithë Kanadanë dhe Amerikën e Veriut. Në fund të janarit, një shpërthim i jashtëzakonshëm i ajrit të Arktikut do të përfshijë Kanadanë në veri dhe në verilindje të Shteteve të Bashkuara, duke sjellë temperatura jashtëzakonisht të ftohta, njofton MeteoBallkan.
Temperatura ekstreme të ajrit presin Kanadanë dhe Amerikën në ditët e ardhshme. Temperaturat e ajrit do të bien nën -40 ° C, gjë që është vetëm një vazhdim i një moti shumë të ftohtë që ka vazhduar për disa javë. Ky dimër në Amerikë është më i ftohti në 20 vitet e fundit. Në 15 ditët e ardhshme, Kanadaja dhe Amerika presin një depërtim të ajrit shumë të ftohtë. Ky ajr shumë i ftohtë me temperatura ekstreme do të zbresë deri në Meksikë dhe Florida. Në Florida, temperatura e ajrit javën e ardhshme do të jenë 15 ° C më ulët se mesatarja. Stuhitë e mëdha të dëborës do të godasin bregun lindor të Amerikës.
