Moti mjaft dinamik këtë fund- Janar po vazhdon ashtu siç filloi. Gjatë tërë këtij muaji patëm ulje/ngritje të shpeshta të temperaturave si dhe reshje jashtëzakonisht të dendura atmosferike.
Ditëve të kaluara kishte ngritje të ndjeshme të temperaturave mbi normalen ose mesataren, ndërsa sot temperaturat janë krejtësisht normale për këtë periudhë kohore. Nesër dhe pasnesër po ashtu do të jenë krejt normale dhe ndoshta pak nën mesatare.
Temperaturat minimale gjatë dy ose tri netëve të ardhshme do të sillen nga -4 deri në -10 nëpër vise më të ulëta dhe mesatare, ndërsa në disa vise malore ato mund të ulen deri në -13 ose -14 gradë Celsius.
Temperaturat minimale do të varen shumë edhe nga kthjellimi eventual gjatë netëve dhe mëngjeseve, për arsye se gjatë netëve të ardhshme priten kthjellim por i pjesërishëm i motit. Në ato rajone ku do të ketë kthjellime të plota normalisht acari do të jetë më i fortë, ndërsa në ato rajone ku do të ketë vranësira natën dhe në mëngjes acari do të jetë pak më i dobët.
Sidoqoftë, edhe kjo goditje polare do të kalojë shpejt dhe nga e premta dhe fundjava ngritje të sërishme të temperaturave.
Në fotografinë më poshtë mund të keni një orientim për temperaturat minimale në rajonin tuaj dy tri netët e ardhshme./Meteoballkan
