Vapa afrikane po vazhdon me intensitet të lartë sot në rajonin tonë duke rritur temperaturat në nivel rajoni deri në 40 gradë Celsius.
Në regjistrimet e stacioneve meteorologjike temperaturat kanë arritur deri në 39 Gradë Celsius në Maqedoninë Veriore dhe Serbi, 38 në Shqipëri dhe 36 në Kosovë që mbetet rajoni në i nxehtë në Evropë këto ditë. Ngjashëm është edhe në Turqi, ndërsa në Spanjë 35.
Freskia nga Evropa perëndimore dhe qendrore do të fillojë të arrijë në rajonin tonë gradualisht nga nesër e cila së pari do të ndjehet në disa vise të Kosovës ku pritet të ketë edhe zhvillime të izoluara dhe rrebeshe shiu kryesisht në veri të vendit dhe lokalisht edhe në disa vise tjera.
Për fundjavë na pret mot shumë më i këndshëm, me ulje të temperaturave dhe përpos intervaleve kohore me diell priten edhe vranësira dhe ndonjë rrebesh shiu me vetëtima dhe bubullimë.
Detaje tjera në postimet tona të ardhshme./Meteoballkan
