Masa e ngrohtë ajrore mesdhetare me origjinë nga Afrika veriore sot ishte dhe ende është prezente në territoret tona, ndërkohë që ajri i ftohtë vjen nesër së bashku me frontin e ftohtë, erërat veriore dhe reshjet e dendura të shiut. Ajri i ftohtë nuk do të jetë mjaftueshëm i ftohtë për të kushtëzuar reshje të dendura bore menjëherë, por me fuqizimit e tij të premten reshje lokale bore priten në shumë vise të Republikës së Kosovë dhe Maqedonisë së Veriut si dhe në zonat kodrinore-malore të Shqipërisë.
Sot temperaturat në Ballkan ishin mjaft të larta për këtë periudhë kohore. Në Serbi u regjistrua temperatura shumë e larte 20 gradë Ceslius. Mjaft ngrohtë ishte edhe në Bosnjë dhe Hercegovinë, Mal të Zi, Shqipëri, Kosovë dhe Maqedoni Veriore.
Siç kemi theksuar të enjten presim vranësira të dendura e reshje shiu. Reshje bore në viset malore. Në mbrëmje edhe në disa vise tjera, por jo në ulëtisira. Ajri i ftohtë polar nga veriperëndimi do të largojë ajrin e ngrohtë afrikano-mesdhetar nga vendet tona dhe të premten e gjatë fundjaves lokalisht do të kemi edhe fjolla të shpeshta bore së bashku me erëra të ftohta veriore.
Nga e diela moti do të filloi të përmirësohet dhe temperaturat ditore do të rriten gradualisht./MeteoBallkan
