Hemisfera veriore është kryesisht e qetë këto ditë nga sistemet e fuqishme tropikale të cilat prodhojnë uragane të cilat potencialisht mund të jenë mjaft destruktive.
Sidoqoftë në qendër të Pacifikut Lindor tani kemi uraganin e parë të fuqishëm për këtë sezone e cila është në fillim e sipër dhe kulminacionin pritet të arrijë rreth muajit Shtator. Gjatë fundit të muajit Gusht dhe Shtator Shtetet Bashkuara të Amerikës dhe Ishujt tropikal në afërsi shpeshherë goditen nga uragane të fuqishme të cilat shkaktojnë edhe pasoja të mëdha.
Uragani “Dagllas” për momentin gjendet në ujërat e hapura duke mos kërcënuar tokën, megjithatë është duke rrugëtuar në drejtim të Ishujve Havai. Ky uragan për momentin është duke udhëtuar në ujërat e nxehta të Oqeanit të Pacifikut Lindor dhe kulminacionin e fuqisë pritet ta arrijë gjatë ditës së nesërme duke afektuar Havain por ende nuk dihet nëse këta Ishuj do të goditën direkt nga ky uragan mjaft i fuqishëm dhe potencialisht i rrezikshëm./Meteoballkan
Pamje çasti e Uraganit Douglas nga Windy.com
