Siç edhe pritej stuhia e rrezikshme Florense që po shkon drejt Carolinas (SHBA), po vazhdon me forcim të shpejtë dhe tashmë është një uragan shumë i rrezikshëm i kategorisë 4.
Florence pritet të mbetet një stuhi e madhe gjatë 3 ditëve të ardhshme dhe gjasat janë që të përforcohet në kategorinë 5 brenda 48 orëve të ardhshme për shkak të kushteve shumë të favorshme për intensifikim të mëtejshëm, njofton MeteoBallkan.
Autoritetet amerikane lëshuan një urdhër të detyrueshëm të evakuimit të afër një milion banorëve që jetonjnë përgjatë bregut të Atlantikut të Shtetit Amerikan të Karolinës së Jugut, për shkak të afrimit të Uragani Florens, i cili u përforcua në kategorinë e katërt.
Guvernatori i Karolinës së Jugut, Henry McMaster urdhëroi që evakuimi të fillonte nesër në mesditë, dhe shtoi se vala e përmbytjes mund të arrijë një lartësi prej tre metrash.
Ai gjithashtu kërkoi nga Presidenti Donald Trump që të deklarojë një situatë të jashtëzakonshme në nivel federal. Meteorologët parashikojnë se forca e Uraganit Florens do të ndryshojë, por do të vazhdojë të jetë një stuhi e rrezikshme kur të arrijë në bregun e Jugut dhe Karolinës së Veriut të enjten. Era tani ka arritur shpjtësinë në 195 kilometra në orë./MeteoBallkan
