Në gusht të këtij viti, meteorologët panë zhvillimin e ngadaltë të Uraganit Dorian: është uragani më i fortë i vitit deri më tani, dhe gjithashtu mori titullin si një nga uraganet më të fortë të regjistruar ndonjëherë në Atlantikun Perëndimor me erëra të qëndrueshme maksimale prej 185 mph. Dorian përputhej me të njëjtën forcë të vërejtur në uraganin shkatërrues të Ditës së Punës në vitin 1935.
Janë 56 vdekje të konfirmuara për shkak të uraganit Dorian dhe 600 njerëz kosiderohen ende të zhdukur pas stuhisë, sipas raportit të Korpusit Mjekësor Ndërkombëtar,
Por Viti 2019 pa një stuhi tjetër që hyri në histori me Uraganin Lorenzo.
Stuhia e fortë, dikur e Kategorisë 5 u zhvillua shpejt në Oqeanin Atlantik lindor me shpejtësi maksimale të erës së qëndrueshme prej 160 mph, duke e bërë atë uraganin më të fortë të zhvilluar në Atlantikun Lindor, sipas Administratës Kombëtare të Oqeanit dhe Atmosferës.
Lorenzo filloi të humbasë fuqinë pas disa diteve, ndërsa iu afrua arkipelagut perëndimor të Azores si një uragan i Kategorisë 1 dhe më pas u bë një stuhi ekstratropike në lindje dhe pastaj u drejtua në Mbretërinë e Bashkuar.
Qeveria Portugeze raportoi dëme minimale të stuhisë, me përjashtim të disa pemëve të dëmtuara dhe linjave të energjisë elektrike, raportoi Associated Press.
Sezoni i uraganëve nuk mbaron deri më 30 nëntor dhe më shumë zhvillime tropikale janë ende të mundshme./meteoballkan.com
.