Moti i ligë dhe ortekët e borës kanë krijuar vështirësi të mëdha në Evropë javën e kaluar, kryesisht në Austri dhe Gjermani duke marrë 26 jetë njerëzish.
Sipas parashikimeve të lëshuara nga Severe Weather Europe, fundi i reshjeve ekstreme të dimrit ende nuk është i dukshëm. Një valë e re e akullt, e cila do të zgjasë nga data 14 deri më 16 janar, po vjen për kontinetin evropian.
Një vorbull e thellë do të lëvizë në të gjithë Evropën veriore, lindore dhe qendrore nga e hëna deri të mërkurën dhe do të sjellë një raund tjetër ajri shumë të ftohtë dhe reshje të reja në shumë zona. Përfshirë stuhi dëbore shumë intensive në Alpe.
Gjegjësisht, siç mund të shihet në hartat e e mëposhtme, më 15 janar qendra e kësaj vale të ftohtë ajrore do të jetë në Bjellorusi, ku do të sjellë reshje shumë të dendura bore.
Siç e theksuam në Evropën lindore dhe atë qendrore priten temperatura shumë të ulëta si dhe reshje intensive bore, sidomos në Alpe.
Për këtë arsye në disa pjesë të Austrisë do të ketë reshje bore të cilat do të krijojnë një shtresë të re prej dy metrash.
