Përpos rajonit tonë mot kryesisht stabil po mban edhe në shumë pjesë të Kontinentit Evropian duke mar para sysh periudhën kohore në të cilen gjendemi. Dita e djeshme në Francë ishte mjaft e nxehtë dhe temperatura maksimale arriti deri në 32 gradë celsius, kurse mjaft nxehtë ishte edhe në Spanjë.
Megjithatë gjatë dites së sotme temperaturat do të pësojnë ulje në Spanjë por edhe në shumë pjesë të Francës me përjashtim të pjesëve qëndrore.
I nxehti do të “emigrojë” në drejtim të Evropes Qendrore dhe lindore, por më së nxehti pritet të jetë në Austri. Pjesa më e madhe e Evropes do të jetë më e nxehtë se zakonisht me përjashtim të Britanisë së Madhe, veriut të Skandinavisë dhe veçanërisht veriut të Rusisë ku do të jetë shumë më ftohtë se mesatarja./Meteoballkan
