Pas reshjeve të mëngjesit moti është kthjelluar pothujase në tërë rajonin po vende-vende ka vranësira kalimtare. Temperatuat janë relativisht të larta për shkak të dominimit të vazhdueshëm të rrymimeve ajrore nga jugu. Kjo natë do të jetë kryesisht e kthjellët dhe pa reshje me ndonjë përjashtim shumë të vogël.
Nesër pasdite pritet që vranësirat përsëri të shtohen fillimisht në Shqipëri, ndërsa gjatë orëve të natës së ardhshme priten edhe reshje të reja shiu. Në bregdet priten rrebeshe të fuqishme shiu me vetëtima dhe bubullimë, por reshje të dendura shiu priten edhe në Kosovë dhe Maqedoninë Veriore gjatë mëngjesit dhe paradites së të mërkurës. Gjatë dites ose pasditen e së mërkures reshjet do të pushojnë në tërë rajonin por do të ketë ulje të lehta të temperaturave. Në viset më të larta malore mund të ketë reshje bore./Meteoballkan
