Rajoni anë disa ditë me radhë është përfshirë nga moti i nxehtë dhe i thatë dhe kjo vjen si pasojë e bllokades totale anticiklonike e cila nuk lejon depërtimin e masave ajrore të ftohta dhe jostabile në drejtim të rajonit tonë.
Kjo bllokadë anticiklonike duket se do të vazhdojë edhe për shumë ditë së bashku me masat ajrore të nxehta me origjinë nga Mesdheu dhe Afrika Veriore.
Gjatë ditëve të ardhshme mund të ketë ulje të herëpahershme të lehta të temperaturave por në përgjithësi do të vazhdojë trendi i “monotonisë meteorologjike” dhe kjo nuk është një lajm i mirë të pakten për ato rajone që janë përfshirë nga një thatësi e madhe për një kohë të gjatë.
Sidoqoftë mbetet të shpresojmë që javëve të ardhme të kemi ndonjë ciklon më serioz dhe të shumëpritur që do të ndikonte në zbutjen e thatësisë ekstreme./Meteoballkan
