I nxehti e kësaj vere më në fund ka përfshirë siq duhet edhe rajonin tonë dhe kështu do të vazhdojë edhe disa ditë apo një javë.
Temperaturat në Kosovë do të shënojnë ngritje të mëtutjeshme dhe ato maksimalet do të arrijnë deri në 34 apo 35 gradë celsius, kurse siq ndodh rëndom në Maqedoni dhe Shqipëri temperaturat do të jenë edhe më të larta se sa në Kosovë.
Rajoni ynë do të jetë nën ndikimin e masave ajrore kryesisht të thata anticiklonike të cilat qendrën e kanë në Evropën verilindore dhe lindore.
Nesër vlen të theksohet se në Shqipërinë juglindore dhe vende vende edhe jugore pasdite mund të ketë zhvillime të vranësirave të cilat do të kushtëzojnë rrebeshe të izoluara por të fuqishme shiu me vetëtima dhe bubullimë. Në rajonet tjera të territoreve shqiptare do të jetë kryesisht thatë dhe shumë nxehtë. Rrebeshe të lokalizuara shiu mund të ketë edhe në Mal të Zi të cilat eventualisht mund të përfshijnë ndonjë rajon kufitar me Kosovën. Përndryshe do të vazhdojë të mbajë mot i thatë dhe me diell si dhe shumë i nxehtë me mundësi për disa vranësira kalimtare.
Meteoballkan.
