Fusha të fuqishme ajrore me presion të ulët atmosferik nga Atlantiku po depërtojnë në Alpe dhe Detin Adriatik duke krijuar ciklone sekondare në veriun e italisë dhe këto ciklone i drejtohet Gadishullit tonë.
Këto fusha ajrore do të shkaktojnë destabilizim të fuqishëm të kushteve të motit me reshje shiu, erëra të fuqishme, pastaj reshje bore vende-vende.
Reshje të fuqishme shiu priten sonte sidomos në Shqipëri, të përcjellura edhe stuhi apo shtrëngata të fuqishme. Reshje të dendura shiu priten edhe në shumë vise të Kosovës e sidomos në shumë viset të Dukagjinit. Ka mundësi të ketë edhe rrebeshe intensive shiu me vetëtima dhe bubullimë. Pasi që jemi nën ndikimin e masave parafrontale ciklonike ende gjendemi në sektorin e nxehtë të ciklonit dhe për këtë arsye reshjet do të jenë në formë shiu. Nesër një vorbullë ciklonike kalon në lindje të kontinentit duke lejuar depërtimit e masave më të ftohta ajrore nga veriu dhe veriperëndimi. Për këtë arsye ka shumë gjasa që shi të shndërrohet në reshje bore në shumë vise të Kosovës. Vende – vende priten reshje të dendura bore. Por me ardhjen e vorbullës tjetër ciklonike nga Adriatiku përsëri masa të nxehta ajrore mund të përzihen përkohësisht duke rikthyer reshjet e shiut. Por në fund me largimin e vorbullës ciklonike në lindje të Kontinentit, atëherë i hapet rruga ajrit të ftohtë polar të depërtojë pa pengesa duke kushtëzuar përsëri reshje bore. Reshje bore priten në Kosovë, shumë pjesë të Shqipërisë, Maqedoninë Veriore dhe normalisht në Mal të Zi.
Pra, para nesh edhe një periudhë mjaft turbulente e motit me ngritje/ulje të shpeshta të temperaturave pastaj : shi, erëra, shtrëngata me bubullimë, shqotë, borë, pastaj shi dhe në fund borë dhe acar, por jo shumë i fortë. Pas disa ditëve kah fundi i javës ngritje e sërishme e temperaturave. Përmbytjet do të jenë të pashmangshme në Shqipëri, por edhe Kosova nuk do të jetë imune sidomos ato rajone që i kemi përmendur./Meteoballkan
