Masat e fuqishme ciklonike që po mbretërojnë në Mesdhe e Itali do të sjellin një valë reshjesh të reja shiu e bore në vendet tona.
Reshjet e shiut do të fillojnë në Shqipëri, pastaj në Mal të Zi, Maqedoninë Veriore dhe Kosovë. Përsëri priten intervale reshjesh të dendura shiu e bore në zonat malore. Reshje të dendura shiu priten edhe në Kosovë dhe Maqedoninë Veriore, ndërsa në zonat malore reshje të dendura bore.
Reshjet do të fillojnë sonte fillimisht në Shqipëri e deri nesër do të përfshijnë edhe Kosovën ku gjatë natës në të martën priten reshje të dendura, ndërsa po ashtu në disa zona të Kosovë do të përzihen edhe me reshje bore.
Temperaturat do të shënojnë ulje graduale, ndërsa reshjet do të pushojnë gjatë së martës. Nga e mërkura na pret mot më i ftohtë dhe me gjasa të mira për reshje të herëpashershme bore./MeteoBallkan