Krahasuar me ditët e kaluara kur patëm ciklonin “Melita” dhe reshje të dendura shiu tani e tutje do të kemi vranësira më të pakta dhe rreze diellore më të shumta. Kjo nuk do të thotë se do të kemi mot tërësisht stabil. Ende do të ketë riga dhe rrebeshe të izoluara shiu të cilat do të zhduken diten e nesërme. Temperaturat gjithashtu do të shënojnë ngritje graduale e më të ndjeshme diten e nesërme ku pritet që temperatura maksimale në tërë rajonin tonë të tejkalojë shifren 20 gradë celsius.
Në Mesdheun perëndimor siç shihet në fotografinë kryesore kemi një ciklon i cili gradualisht do të rrugëetojë në drejtim të Gadishullit Ballkanik. Ky ciklon ditëve të ardhshme do të shkaktojë destabilizim të fuqishëm të atmosferës në Kroaci, Bosnjë, Mal të Zi dhe Serbi, kurse më pak në Shqipëri, Kosovë dhe Maqedoninë e Veriut. Sidoqoftë ne do tju mbajmë të informuar me të rejat më të fundit në postimet tona të ardhshme./Meteoballkan
