Ashtu siç kemi paralajmëruar gjatë natës sonte pritet që një ciklon i fuqishëm të krijohet dhe zhvillohet në Detin Adriatik. Ky ciklon do të rrugëtojë në drejtim të Detit Jon duke u fuqizuar dhe pastaj në drejtim të Greqisë.
Cikloni pritet të na sjellë reshje të dendura bore veçanërisht gjatë mëngjesit të nesërm. Reshje të dendura bore priten në Kosovë, veri të Malit të Zi, Shqipërinë kontientale, Luginë dhe pastaj edhe në Maqedoninë Veriore.
Kjo borë pritet të jetë më e madhja për këtë sezonë në trojet tona deri më tani, por gjithsesi nuk duhet pritur borë shumë të madhe dhe nuk duhet pritur skena sikur në Turqi apo Shtetet e Bashkuara të Amerikës. Në përgjithësi priten nga 5 deri në 20 cm. borë, por bora do të jetë jashtëzakonisht e bukur për tu parë. Reshjet pritet të fillojnë pas mesnate ose në orët e hershme të mëngjesit të së martës.
Cikloni pritet të largohet në drejtim të Greqisë dhe pastaj në drejtim të Turqisë dhe mbi rajonin tonë në mbrëmje do të ndalen reshjet. Bora nuk do të jetë shumë e qëndrueshme nëpër ultësira, ngase nga 4 ose 5 Shkukrti nga Evropa do të depërtojnë masa të fuqishme ajror anticiklonike duke kushtëzuar mot të thatë dhe rritje të lehta të temperaturave./MeteoBallkan
