Vala e nxehtësisë gjatë ditës së nesërme do të intensifikohet në Britaninë e Madhe, ku disa modele indikojnë se në juglindje të Anglisë duke mos përjashtuar edhe rajonin e Londres mund të thehen rekordet e të gjitha kohërave të temperaturave të larta të regjistruara. Nëse temperatura në Mbretërinë e Bashkuar arrin deri në 39 gradë celsius atëherë do të thehen të gjitha rekordet sepse rekordi i tanishëm është 38.5 gradë celsius.
Gjithashtu edhe në Holandë dhe Belgjikë gjatë ditës së nesërme pritet të thehen rekorde të reja, përkundër faktit se gjatë ditës së sotme në të dy shtetet u thyen rekordet e të gjitha kohërave. Rekorde të reja janë thyer dhe pritet të thehen anëmbanë Francës ku është aktivizuar edhe alarmi i kuq i rrezikshmërisë më të lartë të mundshme nga fatkeqësitë natyrore. Rekorde pritet të thehen edhe në Gjermaninë perëndimore, jugore dhe veriore.
Vala e nxehtësisë ka filluar të depërtojë edhe në Skandinavi dhe priten temperatura mbi 30 gradë celsius edhe brenda vetë rrethit polar në veri./Meteoballkan
