Sotnë Kosovë do të mbajë mot me intervale të gjata kohore me diell dhe i nxehtë. Pasdite në disa rajone priten zhvillime të vranësirave të cilat do të kushtëzojnë rrebeshe lokale shiu me vetëtima dhe bubullimë.
Në Shqipëri do të mbajë mot kryesisht me diell dhe i nxehtë. Pasdite mund të ketë vranësira kalimtare, ndërsa në verilindje të vendit edhe rrebeshe të izoluara shiu.
Në Maqedoninë e Veriut do të mbajë mot mjaft i nxehtë, me diell dhe vranësira kalimtare. Pasdite në disa rajone mund të ketë riga të izoluara shiu. Në Mal të Zi nesër pritet të mbajë mot me diell dhe mjaft i nxehtë në jug, ndërsa në veri pasdite priten rrebeshe lokale shiu me vetëtima dhe bubullimë.
Të enjtën në tërë rajonin pritet të mbajë mot kryesisht me diell dhe i nxehtë. Pasdite në disa pjesë të Kosovës, veri të Malit të Zi dhe verilindje të Shqipërisë priten rrebeshe lokale shiu me vetëtima dhe bubullimë.
Pra, edhe pse do të kemi përmirësim të dukshëm të motit dhe ngritje të temperaturave, atmosfera nuk do të jetë tërësisht stabile pasditeve të ditëve të ardhshme. Bregdeti dhe pjesa më e madhe e Shqipërisë do të mbesin me mot kryesisht me diell dhe të nxehtë./Meteoballkan
