“The Beast from dhe East” ose në gjuhën shqipe “bisha nga lindja” është një term i cili përdoret shpeshherë dhe mjaft i popullarizuar në Evropë dhe i referohit krijimit të një anticikloni shumë të fuqishëm në Rusi apo Siberi i cili mundëson depërtimin e masave ajrore ekstremisht të ftohta nga Arktiku në drejtim të Rusisë dhe pastaj nga Rusia në drejtim të Evropes.
Pikërisht këto ditë në Rusinë aziatike dhe Siberi është krijuar një anticiklon i tillë shumë i fuqishëm dhe i cili ka arritur të tërheqë masën ajrore shumë të ftohtë nga Arktiku dhe temperaturat janë ulur deri në -46 gradë celsius në Siberi. Kjo masë gjigante ajrore është përgjegjëse për uljet e lehta të temperaturave tek ne, megjithatë ndikimi i saj mbetet shumë simbolik duke iu falënderuar aktiviteteve të fuqishme ciklonike nga Atlantiku, Atlantikut shumë aktiv. Kështu pasi që tanimë e kemi “bishen në lindje” e cila është krijuar por megjithatë për momentin mundësia që ajo ti drejtohet dhe të përfshijë Evropën bie në ujë për shkak të siç thamë edhe më lartë cikloneve të Atlantikut.
Sidoqoftë ka disa shenja se në ditën e fundit të këtij muaji do të kemi reshjet e para të borës në Kosovë, por të cilat nuk pritet të jenë intensive, megjithatë kjo ende mbetet vetëm si shenja e parë serioze dhe ende nuk duhet të ngutemi me konklusione në parashikime./Meteoballkan
