Fronti i fuqishëm i ftohtë ajror sot përfshiu Republikën e Kosovës duke sjellur reshje të dendura bore në shumë rajone. Reshjet ishin të intensitetit më të ulët në rajone tjera. Reshje të dendura pati veçanërisht në veri dhe verilindje të Kosovës si dhe në viset kodrinore-malore, lokalisht edhe në vise tjera.
Sistemi frontal tani po i drejtohet Greqisë dhe gjatë orëve të mbrëmjes pritet ndërprerja e të reshurave eventuale në Kosovë dhe masandej edhe në Maqedoninë Veriore. Priten ulje të temperaturave dhe mundësi edhe për acar sepse presioni i ajrit është i lartë pas kalimit të frontit. Kjo do të varet shumë edhe nga vranësirat eventuale. Nëse moti kthjellohet tërësisht gjatë natës ngricat do të jenë më të forta, ndërsa nëse vranësirat mbizotërojnë atëherë ngricat do të jenë më të dobëta. Ka gjasa që nuk do të kthjellohet tërësisht motit pas kalimit të frontit por kjo nuk është tërësisht e sigurtë.
Nesër na pret një mëngjes mjaft i ftohtë. Ftohtë do të jetë edhe gjatë ditës por nuk do të ketë reshje atmosferike. Pas përmirësimit të cilësisë së ajrit nga nesër përsëri do të ketë tendenca të keqësimit të kualitetit të ajrit për shkak të dominimit të plotë anticiklonik dhe mjegulles eventuale.
Nga fundjava ngritje të temperaturave dhe mundësi për reshje të reja loklea shiu dhe bore në viset malore./Meteoballkan
