Nesër në Kosovë do të mbajë mot plotësisht i vranët dhe herë pas here me reshje shiu. Temperaturat do të shënojnë ulje veçanërisht në orët e mbrëmjes kur do të fillojnë të fryjnë erëra veriore. Në viset kodrinore-malore do të ketë reshje bore. Reshjet e borës mund të paraqiten shkurtimisht edhe në disa vise pak më të ulëta të Kosovës.
Në Shqipëri sonte do të fillojnë reshjet e shiut dhe do të vazhdojnë edhe nesër gjatë pothuajse tërë ditës. Vende-vende priten reshje të dendura shiu.
Gjatë mbrëmjes vonë dhe natës së ardhshme në disa pjesë të verilindjes, lindjes dhe juglindjes së vendit do të ketë edhe reshje bore.
Në Maqedoninë Veriore dhe Mal të Zi nesër pritet të mbajë mot plotësisht i vranët dhe me reshje shiu, ndërsa në viset kodrinore malore me reshje bore pasdite në veriun e Malit të Zi , ndërsa në mbrëmje ose gjatë natës në Maqedoni.
Pasnesër në tërë rajonin pritet mot i vranët dhe kryesisht i thatë. Do të jetë më ftohtë.
Të enjtën në tërë rajonin priten ngritje të sërishme të lehta të temperaturave dhe do fillojnë të fryjnë erëra të lehta jugore. Të premtën pritet fuqizim gradual i erërave jugore dhe pasdite vonë priten reshje shiu të cilat do të intensifikohen gjatë natës.
Nga e diela stabilizim gradual i motit dhe ngritje e temperaturave./Meteoballkan
