Një masë e fuqishme e ftohtë ajrore do të depërtojë sonte gjatë natës dhe nesër në drejtim të rajonit tonë. Kjo masë e ftohtë ajrore do të na vije nga veriu dhe verilindja e Kontinentit.
Priten ulje të theksuara të temperaturave dhe erëra të fuqishme veriore, veriperëndimore dhe verilindore në Kosovë, shumë pjesë të Shqipërisë, Maqedonisë së Veriut dhe Malit të Zi. Erërat do të jenë rezultat i kombinimit të mases ajrore ciklonike me qendër në Greqi dhe Turqi si dhe mases ajrore anticiklonike me qendër në Evropen qendrore. Dallimi i madh në presionin atmosferik dhe temperatura nga Turqia deri në Evropen qendrore do të shkaktojë erëra të fuqishme tek ne.
Priten edhe reshje bore më të theksuara në viset kodrinore-malore. Reshjet e borës nuk do të jenë gjithëpërfshirëse dhe në dis rajone nuk do të ketë fare as në viset kontinentale e lëre më për viset mesdhetare.
Nga e marta anticikloni evropian do të marr pushtetin e plotë përsëri mbi rajonin tonë duke kushtëzuar mot stabil, me netë dhe mëngjese të ftohta dhe ditë relativisht të nxehta. Do të ketë gjasa edhe për krijimin e mjegullnajave sidomos në lugina dhe ultësira./Meteoballkan
