Masa ajrore të thata anticiklonike kanë përfshirë shumicën e Kontinentit Evropian me përjashtim të disa pjesëve të Gadishullin Iberik, Britanisë së Madhe dhe Evropës juglindore ku jemi edhe ne. Në Francë, Gjermani, Zvicër etj, aktualisht po mban mot i kthjellët dhe me shumë rreze diellore pranverore.
Moti i kthjellët nga Evropa do të zgjerohet edhe në drejtim të rajoneve tona duke filluar nga nata apo dita e nesërme. Pritet të kemi mot me diell por mëngjeset do të jenë mjaft të freskëta dhe me mundësi edhe për ngrica të dobëta. Megjithatë dy -tri ditët e para të javës do të jenë të freskëta dhe herë pas here me erëra veriore dhe verilindore, pra edhe pse do të kemi shumë diell, prapëseprapë do të mbetet mot i freskët. Rritje të ndjeshme të temperaturave do të kemi nga mesjava apo fundjava./Meteoballkan
