Në Kosovë nesër do të mbajë mot mjaft i nxehtë dhe kryesisht me diell kurse pasdite vetëm në disa rajone mund të ketë rrebeshe të izoluara shiu. Temperaturat do të shënojnë ngritje të lehtë.
Në Shqipëri nesër poashtu do të mbajë mot kryesisht me diell dhe shumë i nxehtë. Gjatë ditës në disa rajone kryesisht malore mund të ketë rrebeshe të izoluara shiu.
Mot shumë i nxehtë dhe me diell do të mbajë edhe në Maqedoni.
Ditëve të ardhshme nuk do të kemi ndryshim të motit pra, do të kemi mot shumë të nxehtë por edhe me vranësira kalimtare herë pas here. Në disa rajone nuk do të mungojnë edhe rrebeshet e izoluara të pasdites.
Të Shtunën në Kosovë, Maqedoninë perëndimore dhe Shqipërinë lindore pritet që pasdite të kemi rrebeshe lokale shiu të shoqëruara me vetëtima dhe bubullimë, ndërkohë që një ciklon i fuqishëm do të krijohet në Gjirin e Gjenoves në Itali si pasoj e depërtimit të një sasie të konsiderueshme të ajrit të ftohte dhe jostabil nga veriu i kontinentit. Ky ciklon do të niset në drejtim të Ballkanit dhe do të shkaktojë reshje të fuqishme shiu dhe ulje dramatike të temperaturave në Slloveni, Kroaci, Bosnjë dhe Hercegovinë dhe Mal të Zi. Cikloni do të përfshijë edhe Shqipërinë të dielen duke shkaktuar gjithashtu rrebeshe dhe reshje të fuqishme shiu. Cikloni të dielen dhe të hënën do të përfshijë edhe Kosovën dhe Maqedoninë duke shkaktuar reshje shiu dhe zbritje të ndjeshme të temperaturave.
Pasi që fundjava është ende larg nuk mund të sigurojmë detaje tjera por gjithsesi do të informoheni me kohe për çdo ndryshim evetual që mund të ndodhë ditëve të ardhshme.
Meteoballkan.
