Nesër në Kosovë pritet të mbajë mot i ngrohtë pranveror, por mëngjesi do të jetë mjaft i ftohtë duke mos përjashtuar ngrica të dobëta lokale. Dita pritet të jetë stabil dhe kryesisht me diell.
Temperaturat pritet të lëvizin nga 0 minimalja deri në 22 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe stabil pranveror. Mëngjesi në disa zona kontinentale do të jetë mjafti ftohtë e në disa vise kodrinore-malore mund të ketë ngrica të dobëta lokale.
Nga e marta na pret mot edhe më i ngrohtë pranveror. Përpos intervaleve të shumta me diell do të ketë edhe vranësira kalimtare e lokale e nganjëherë edhe të shtresave të larta. Në mes të javës priten riga të dobëta lokale shiu vetëm në disa lokacione./MeteoBallkan
