Nesër në Kosovë na pret mot mjaft i ngrohtë pranveror, madje në disa rajone edhe veror.
Parashihet të kemi mot me diell dhe vranësira të pakta lokale.
Temperaturat parashihet të lëvizin nga 6 minimalja deri në 26 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe vranësira lokale. Do të jetë mjaft ngrohtë
Të enjten pritet të ketë shtim të vranësirave dhe ulje të lehta të temperaturave. Po ashtu priten edhe riga lokale shiu. Rigat e shiut do të jenë kalimtare, pra nuk do të zgjasin shumë.
Reshje lokale shiu me mundësi edhe për rrebeshe lokale me vetëtima dhe bubullimë mund të kemi të premten pasdite dhe në mbrëmje sidomos në Shqipëri, duke mos përjashtuar edhe viset tjera./MeteoBallkan
