Kjo javë po shënon rritjen e shumëpritur të temperaturave të cilat ishin mjaft të ulëta në fundin e Prillit dhe fillimin e Majit ku u shënuan edhe ngrica dhe brymë në shumë lokacione të Kosovë dhe rajonit sidomos në zonat kodrinore-malore.
Tanimë masa e ftohtë ajrore mjaft problematike po largohet definitivisht nga viset tona me shpresë se dëmtimet në kultura të ndryshme të jenë sa më të pakta.
Masa më të ngrohta ajrore që vinë nga Atlantiku, Evropa dhe Mesdheu do të përfshijnë viset tona, me mundësi që edhe nga Afrika veriore të hapen korridore për depërtime të ajrit edhe më të ngrohtë.
Reshjet atmosferike këtë pranverë janë të pakta dhe ashtu do të vazhdon, por gjatë kësaj jave ka gjasa për reshje lokale sidomos pas mesit të javës.
Tri ditët e para të javës mjaft të ngrohta dhe pa gjasa për reshje atmosferike. Në vazhdim do të kemi paraqitjen e vranësirave të shtresave të larta. Këto vranësira nuk sjellin reshje.
E hëna mjaft e ngrohtë pas ngricave të mëngjesit, kurse e marta do të jetë edhe më e ngrohtë me temperatura në Kosovë deri në 25 gradë Celsius. Ndërkohë që rrymimet ajrore të ngrohta nga jugperëndimi do të fuqizohen në tërë gjitha viset.
Të mërkurën na pret mot me ulje të lehta të temperaturave, me diell dhe vranësira të shpeshta të shtresave të larta. Vende-vende mund të ketë vranësira paksa më të theksuara, por pa reshje.
Mundësi për reshje lokale
Të enjten vranësira më të dendura dhe mundësi për reshje lokale. Reshje lokale shiu parashihen në pjesë të Kosovës, Maqedonisë së Veriut dhe verilindjes së Shqipërisë. Nuk priten shumë reshje. Përpos vranësirave priten edhe periudha me diell.
Të premten mot i ngjashëm: më pak diell e më shumë vranësira dhe mundësi për riga lokale shiu si dhe me mundësi edhe për rrebeshe lokale shiu me vetëtima dhe bubullimë, por kjo mbetet ende të shihet. Sipas ecurive aktuale sinoptike nuk priten reshje të mëdha dhe nuk priten në të gjitha rajonet, por kjo mund të ndryshojë në përditësimet e ardhshme të modeleve globale që merren me parashikim të motit.
Fundjava vjen pa ndonjë ndryshim. Pak më shumë vranësira priten të Shtunën me mundësi për reshje të pakta lokale, kurse të dielën më shumë diell dhe rritje të temperaturave.
Mund të ketë ndryshime në parashikim sa iu përket reshjeve atmosferike.
Ishte parashikimi i motit për këtë javë dhe tri ditët e para të javës nuk priten reshje dhe ndryshime në parashikim.
Nga e enjta mundësi për vranësira më të theksuara dhe reshje lokale. Temperaturat mund të pësojnë ulje kryesisht të lehta. Në fundjavë temperaturat pritet të rriten përsëri. Sa iu përket reshjeve atmosferike priten pak a shumë, por për këtë më shumë informacione në postimet tona të përditshme sepse ndryshime në parashikim priten gjatë kësaj jave./MeteoBallkan
