Nesër në Kosovë pritet të mbajë mot me diell dhe vranësira lokale ditore, por pa reshje atmosferike.
Temperaturat minimale pritet të pësojnë ulje të lehta afërsisht deri në 6 gradë Celsius, kurse ato maksimale do të shënojnë rritje të lehta deri në 23 apo 24 gradë Celsius.
Në Shqipëri, Maqedoninë e Veriut, Luginë të Preshevës dhe Mal të Zi nesër pritet të mbajë mot me diell e gjatë ditës parashihen vranësira lokale por nuk priten reshje atmosferike. Në jug të Shqipërisë mund të ndodhë ndonjë rigë e dobët shiu në ndonjë rajon të izoluar.
Për shkak të ndikimit të plotë të masave ajrore anticiklonike atmosfera do të jetë stabile në të gjitha viset e rajonit tonë ajri jo-stabil do të largohet edhe nga Greqia për në Turqi.
Mot i ngjashëm dhe kryesisht stabil na pret edhe ditëve të ardhshme. Nuk priten reshje atmosferike me ndonjë përjashtim krejtësisht të vogël dhe po ashtu nuk priten ndryshime termike apo temperaturat nuk do të lëvizin shumë, por do të jenë pothuajse në vlera të njëjta apo të përafërta./MeteoBallkan
