Qytetarët e Kosovës e shumë vendeve të rajonit u habitën nga drita të shumta në formë të yjeve që pushtuan qiellin.
Sigurisht, nuk u desh shumë kohë që internet të fillojnë të qarkullojnë edhe teori konspirative.
Megjithatë, nuk ka asnjë arsye për t’u trembur. Këta janë satelitët Starlink që ju do të keni mundësi të shihni në qiell sonte, njofton MeteoBallkan.
Kompania hapsinore amerikane “Space X” lansoi grupin e gjashtë prej 60 satelitësh më 18 mars, e që aktualisht janë në një lartësi prej rreth 280 kilometrash mbi tokë dhe duke u ngjitur ngadalë në destinacionin e tyre përfundimtar, prej 550 kilometra ku aktualisht ndodhen edhe satelitët e tjerë të lansuar.
Nga 24 maji i vitit të kaluar e deri më 18 Mars të këtij viti, Space X nisi gjashtë grupe me 60 satelitë në raketa Falcon 9. Pesë prej tyre nuk arritën të arrinin lartësinë e synuar, dhe aktualisht ekzistojnë 355 satelitë Starlink në orbitë rreth Tokës.
Konkretisht satelitët StarXink të SpaceX, janë një projekt i Elon Musk që synon të rrisë mbulimin e internetit në tokë.
Satelitet me Starlink, të cilët veprojnë në orbitë të ulët, vetëm 550 kilometra mbi nivelin e detit, reflektojnë rrezet e diellit, kështu ngjasojnë me yje të vegjël dhe të heshtur./meteoballkan
