Sot në tërë territorin e vendeve tona mbajti mot i ndryshueshëm me rrebeshe lokale shiu por edhe me intervale kohore të gjata me diell. Ishte mjaft nxehtë sepse kemi vonesë të frontit të ftohtë ajror.
Në orët e ardhshme apo gjatë natës do të kemi depërtimin e frontit të ftohtë ajror i cili do të kushtëzojë kalimthi erëra të fuqishme veriore dhe veriperëndimore si dhe rrebeshe lokale shiu me vetëtima dhe bubullimë.
Gjithashtu do të kemi edhe ulje të theksuar të temperaturave, ndërsa nesër në tërë rajonin tonë do të mbajë mot kryesisht i vranët, i ftohtë dhe vende vende me reshje shiu. Reshjet e shiut do të jenë më të mëdha në jug dhe juglindje të Shqiperise.
Nga dita e martë do të kemi stabilizim të motit dhe ngritje të sërishme graduale të temperaturave, kurse nga e Mërkura temperaturat përsëri do të arrijnë deri në 30 gradë celsius.
Meteoballkan.
