Maji në Kosovë fillon i ftohtë dhe vende-vende nuk përjashtohet mundësi që deri në agim të ketë ngrica.
Dita e Premte vijon me vranësira dhe intervale kohore me diell. Do të fryjnë erëra paksa të ftohta nga veriu e verilindja.
Temperaturat pritet të zbresin deri në -1 gradë Celsius në disa rajone, kurse maksimalet pritet të arrijnë deri në 14 gradë Celsius. Në viset e larta malore mëngjesi do të jetë edhe më i ftohtë.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me diell dhe vranësira. Shqipëria dhe jugu i Malit të Zi kryesisht me diell në pjesën më të madhe të vendit. Vranësira priten thellë në lindje dhe veri të Shqipërisë si dhe në veri të Malit të Zi. Në Maqedoninë Veriore me diell dhe vranësira.
Fundjava vjen me diell dhe vranësira të shpeshta lokale. Në pjesë të Kosovë dhe Maqedonisë së Veriut priten edhe riga lokale shiu pasditen e së shtunës.
E diela pak më e ngrohtë me stabilizim të atmosferës, por ende priten erëra të freskëta e vranësira lokale. Nga e hëna ndjeshëm më ngrohtë./MeteoBallkan
