Sot në Kosovë pritet të mbajë mot me intervale kohore me diell dhe shtim të vranësirave, ndërsa gjatë ditës ose pasdite parashihen riga të izoluara shiu e në malet e Sharrit priten fjolla bore.
Edhe një mëngjes i ftohtë, vende-vende e mundësi për ngrica. Temperaturat parashihet të luhaten nga 0 minimalja deri në 15 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi pritet të mbajë mot me diell dhe vranësira lokale. Pasdite në disa rajone do të ketë më shumë vranësira dhe mundësi për ndonjë rigë ose rrebesh lokal shiu. Në malet e larta fjolla bore. Ndjeshëm më ngrohtë në viset mesdhetare të Shqipërisë dhe Malit të Zi.
E diela pak më e ngrohtë, me diell dhe vranësira lokale. Mëngjesi ende i ftohtë. Dita pak më e ngrohtë në Kosovë. Në Shqipëri ndjeshëm më ngrohtë.
Nga e hëna përmirësim substancial i motit dhe rritje e ndjeshme e temperaturave në të gjitha viset./MeteoBallkan
