Gjatë pasdites së sotme në disa pjesë të Republikës së Kosovës priten zhvillime të vranësirave konvektive të cilat do të sjellin rrebeshe afatshkurtra por vende-vende të fuqishme shiu me vetëtima, bubullimë dhe mundësi edhe për breshër.
Reshjet do të jenë të karakterit lokal dhe në këtë mënyrë shumë rajone nuk do të preken nga reshjet e sotme.
Gjithashtu sot reshjet pritet të jenë afatshkurta për dallim nga dita e nesërme kur pritet të kemi reshje të dendura shiu dhe mundësi për rrebeshe lokalisht të fuqishme shiu me vetëtima dhe bubullimë.
Pra, pasditen e sotme atmosfera mbi rajonin tonë do të pësojë destabilizim të pjesshëm, kur priten rrebeshe lokale afatshkurtra, por të cilat mund të jenë fuqishme shiu me vetëtima, bubullimë dhe breshër.
Sistemet eventuale të vranësirave do të lëvizin nga perëndimi në drejtim të lindjes dhe pas kalimit të tyre pritet stabilizim afatshkurtër i motit.
Nesër na pret një ditë mjaft jo-stabile, e freskët, me reshje të shpeshta dhe të dendura shiu dhe me mundësi për rrebeshe të fuqishme shiu me vetëtima dhe bubullimë./Meteoballkan
