Masa të ftohta ajrore nga veriu po mbretërojnë këto ditë mbi rajonin tonë, megjithatë sonte pritet kthjellim i plotë dhe stabilizim i motit.
Edhe erërat do të qetësohen plotësisht gjatë mbrëmjes së vonshme.
Pasi që pritet kthjellim i motit dhe jemi nën ndimimin e masave të ftohta ajrore në disa vise kodrinore-malore mund të ketë edhe ngrica të dobëta në orët e hershme të mëngjesit.
Sidoqoftë gjatë ditës së nesërme (e Martë) pritet përmirësim substancial i motit dhe ngritje e theksuar e temperaturave, edhe pse kjo do të jetë afatshkurtër sepse menjëherë të mërkurën priten reshje shiu dhe ulje të temperaturave.
Pra, dita e nesërme do të na gëzojë me mot të këndshëm dhe të ngrohtë pranveror edhe pse mëngjesi do të jetë mjaft i ftohtë. Temperaturat do të luhaten nga 0 deri në 22 gradë Celsius në nivel vendi.
Gjatë natës pritet që vranësirat të rikthehen si pasojë e depërtimit të një fronti të ri të ftohtë ajror nga veriu, kështu që dita e mërkurë do të jetë e vranët, e freskët dhe me reshje shiu. Mbrëmjen e së mërkurës reshjet do të pushojnë dhe pritet kthjellim i motit dhe për këtë arsye përsëri mund të ketë ngrica të dobëta në disa vise kodrinore-malore mëngjesin e së enjtes.
Nga e enjta na pret përmirësim gradual i motit dhe ngritje e temperaturave.
Mot mjaft i këndshëm, stabil dhe i ngrohtë nesër pritet edhe në Shqipëri, Maqedoninë Veriore dhe Mal të Zi./Meteoballkan
