Nesër në Kosovë do të mbajë mot me diell, i këndshëm dhe i nxehtë veçanërisht paradite dhe në mesditë. Pasdite apo në mbrëmje vonë do të ketë shtim të vranësirave të cilat gjatë natës dhe mëngjesin e së mërkurës do të na sjellin reshje të dendura shiu.
Në Shqipëri, Maqedoninë Veriore dhe Mal të Zi nesër do të mbajë mot kryesisht me diell dhe i nxehtë.
Të mërkurën në Kosovë do të mbajë mot tërësisht i vranët, i ftohtë dhe me reshje shiu. Reshjet e shiut do të pushojnë pasdite apo në mbrëmje dhe do të pasojë kthjellimi i motit. Në viset më të larta malore mund të ketë reshje bore.
Edhe në Shqipëri, Maqedoninë Veriore dhe Mal të Zi pasnesër do të mbajë mot me vranësira dhe reshje lokale shiu. Reshjet e shiut nga veriu do të shtrihen gradualisht drejt jugut.Do të jetë më freskët.
Nga e enjta na pret stabilizim gradual i motit, kurse të premten pritet mot i vërtetë pranveror me ngritje të theksuara të temperaturave./Meteoballkan
