Sott në Kosovë do të mbajë mot me vranësira por edhe me intervale kohore me diell. Mund të ketë gjasa minimale për ndonjë rigë shiu. Do të jetë relativisht nxehtë. Do të fryjë erë e freskët nga veriu dhe verilindja.
Në Shqipëri mot kryesisht me diell por edhe me vranësira kalimtare dhe pa reshje. Në bregdet me diell dhe relativisht nxehtë.
Në Maqedoni poashtu do të kemi mot me vranësira dhe intervale kohore me diell. Do të jetë kryesisht thatë.
Në Evropën Qendrore siç shihet edhe në foton kryesore kemi krijimin e anticiklonit i cili do të forcohet dhe do të zgjerohet gradualisht në drejtim të rajonit tonë, mirëpo pasi që masat ajrore të freskëta dhe jostabile do të largohen në drejtim të lindjes dhe juglindjes megjithatë këto masa ajrore me periferinë e tyre do të ndikojnë në motin në rajonin tonë duke na sjellur vranësira dhe mot të freskët por jo reshje. Anticikloni parashihet të ndikojë në rajonin tonë pothuajse gjatë tërë javës së ardhshme kur gjatë mesjavës priten edhe ngritje graduale të temperaturave sepse anticikloni do të dëbojë tërësisht masat e freskëta ajrore thellë në lindje dhe në drejtim të rajonit tonë do të fillojnë të depërtojnë masa ajrore më të nxehta nga Mesdheu dhe Afrika Veriore.
Pra para nesh është një periudhë kryesisht e thatë e motit fillimisht e freskët por pastaj me ngritje graduale të temperaturave
Informacione tjera në postimet tona të reja në Meteoballkan.
