Reshjet e shiut kanë shkaktuar goxha telashe në disa qytete të Kosovës.
Por dy ditëve të fundit më së shumti probleme pati në komunën e Pejës, ku u shkaktuan edhe dëme të mëdha në disa shtëpi.
Drejtori i emergjencave në komunën e Pejës, Muhamet Mahmutaj, për Gazetën Infokus bëri të ditur së si pasojë e reshjeve e vërshimeve në disa pjesë të qytetit është dashur të intervenohet.
Sipas Institutit Hidro- Meteorologjik reshjet e shiut pritet të ketë edhe ditëve në vazhdim.
“Reshjet pritet që të vazhdojnë me intensitet më të shtuar edhe ditëve në vazhdim, të cilat në disa zona të Kosovës mund të shkaktojnë vërshime të shpejta dhe probleme në zonat urbane”, thuhet në njoftimin e IHMK.
