Pas kalimit të dy sistemeve të fuqishme ciklonike me reshje të dendura shiu tani kemi përmirësim të pjesshëm të kushteve të motit. Reshjet e dendura janë pas nesh, megjithatë ende në disa rajone në Shqipëri dhe Kosovë mund të kemi riga lokale ose të izoluara shiu, ndërsa në Shqipëri mund të ketë edhe rrebeshe të izoluara shiu me vetëtima dhe bubullimë. Erërat do të mbesin prezentë kryesisht nga jugperëndimi, ndërsa nga e diela do të fillojnë të fryjnë nga veriperëndimi, veriu dhe pastaj nga verilindja kur edhe priten ulje të temperaturave, por nuk pritet ftohtë i madh. Netët dhe mëngjeset do të jenë mjaft të ftohta dhe nëse do të kemi kthjellim të motit atëherë mund të paraqiten ngricat e para. Gjithashtu nëpër lugina do të ketë mjegull në mëngjes.
Moti i mirë, i këndshëm dhe stabil, me ngritje të temperaturave do të na buzëqesh nga mesi ose fundi i javës./Meteoballkan