Numri i viktimave nga tërmeti në Turqi u rrit në 20 ndërsa 786 të tjerë u lënduan si pasojë e këtyre lëkundjeve.
Sipas DailySabah, përcjell Telegrafi, ekipet e shpëtimit janë mobilizuar për të shpëtuar të mbijetuarit nga rrënojat e disa ndërtesave.
Epiqendra e tërmetit prej 6.6 magnitudë ishte në Detin Egje rreth 17 kilometra larg brigjeve të provincës turke Izmir, në një thellësi prej 16 kilometra.
Dridhjet e tërmetit janë ndjerë në tërë rajonin, përfshirë Stambollin dhe ishuj grekë e deri të kryeqyteti – Athina. /Telegrafi/
