Java a parë e Nëntorit në rajonin tonë do të karakterizohet me dominim pothuajse të plotë të masave ajrore kryesisht të thata anticiklonike. Fillimi i javës do të jetë i nxehtë për shkak të ndikimit të anticiklonit me qendër në Mesdhe dhe ky anticiklon vazhdon të “transportojë” ajër relativisht të nxehtë mbi rajonin tonë. Në anën tjetër nga e mesjava e tutje do të kemi ekspansion edhe më të fuqishëm anticiklonik, por kësaj radhe nga Atlantiku, përmes Britanisë së Madhe dhe Evropës në përgjithësi në drejtim të rajonit tonë. Mëngjeset do të jenë të ftohta dhe me mundësi për mjegull nëpër lugina.
Këto fusha ajrore të fuqishme anticiklonike do të jenë tiparet kryesore të motit për këtë javë, sidoqoftë nga mesjava pritet që temperaturat ditore të shënojnë ulje kryesisht të lehta për shkak se anticikloni i fuqishëm nga Atlantiku do të na sjellë edhe ajrin pak më të ftohtë në kuadër të një fronti të ftohtë të dobët ajrore që pritet ato ditë. Ky front i dobët mund të sjellë edhe vranësira dhe disa riga kryesisht të dobëta, afatshkurtra, lokale shiu në disa rajone, ndërsa ajri relativisht i ftohtë do të zbresë nga verilindja e Kontinentit përmes periferisë së masës së fuqishme ajrore anticiklonike.
Sipas ecurive aktuale sinoptike edhe në fundjavë nuk pritet ndonjë ndryshim i madh i motit, pra do të vazhdojë të mbajë mot i freskët, me alternime mes vranësirave dhe intervaleve kohore me diell.
Ishte ky parashikimi javor i motit për javën e parë të Muajit Nëntor 2020 dhe ndonjë ndryshim është i mundshëm. Nëse ka ndonjë ndryshim eventual ne do tu njoftojmë në postimet tona të përditshme./Meteoballkan
Main Image By: WXCHARTS
