Edhe pse në shumë pjesë të rajonit tonë moti është kthjelluar, Kosova (jo krejt) ende mbetet nën regjimin e vranësirave të cilat pritet të shpërndahen gradualisht.
Mbi rajon po depërtojnë masa stabile anticiklonike si dhe po ashtu edhe masa më të nxehta ajrore dhe ashtu siç kemi paralajmëruar do të kemi disa ditë stabile dhe të këndshme. Megjithatë motin e mirë dhe të këndshëm mund ta prish mjegulla ditëve të ardhshme në disa rajone për shkak të inversionit të temperatura fenomen që ndodhë kur ajri i ftohtë ulet deri në sipërfaqen e tokës dhe kondensohet, ndërsa ajri i nxehtë ngritët në shtresa më të larta atmosferike. Ky fenomen i zakonshëm gjatë vjeshtës dhe dimrit nuk do të ndodhë në tërë territorin vetëm në disa rajone sidomos gjatë netëve dhe mëngjeseve.. Reshje atmosferike nuk pritet të ketë deri në fillim kalendarik të dimrit, ndërsa gjatë festave të fund vitit mund të kemi zhvillime interesante meteorologjike, por periudha është shumë e gjatë dhe nuk po ngutemi për konkluzione para kohe ngase modelet “dinë të zhgënjejnë” nganjëherë edhe në parashikime afatshkurtra siç ka ndodhur një herë ose dy sivjet e lëre më në terme afatgjata./Meteoballkan
