Sot në Kosovë do të mbajë mot i vranët dhe me reshje shiu. Gjatë ditës do të fillojnë të fryjnë erëra veriore dhe shiu do të shndërrohet në borë në shumë rajone. Priten ulje të ndjeshme të temperaturave.
Në Shqipëri dhe Maqedoninë Veriore pritet të mbajë mot i vranët dhe me reshje shiu. Pasdite do të fillojë ulja e temperaturave dhe reshje lokale bore priten në viset kodrinore-malore.
Të premten ftohtë dhe thatë në tërë rajonin. Në Kosovë me diell por mjaft ftohtë me erëra të akullta veriore.
Për fundjavë pritet të ketë shtim të konsiderueshëm të vranësirave të cilat do të fillojnë të kushtëzojnë reshje bore, fillimisht në Shqipëri, pastaj edhe në Maqedoninë Veriore dhe Kosovë. Pritet dimër “klasik” me borë dhe erëra veriore. Temperaturat do të jenë normale dimërore, por ndjesia subjektive e të ftohtit do të jetë shumë e lartë për shkak të erërave të akullta veriore dhe acarit siberik.
Reshje bore priten edhe në pothuajse tërë bregdetin shqiptar./Meteoballkan