Nesër në Kosovë do të mbajë mot me vranësira dhe riga lokale shiu në mëngjes dhe paradite kurse pasdite reshjet do të duhej të pushonin dhe do të kemi edhe intervale kohore me diell.
Në Shqipëri edhe nesër mot i pandryshuar, pra kryesisht me diell dhe vranësira kalimtare.
Në Maqedoni nesër paradite mund të ketë riga të dobëta shiu dhe vranësira kurse pasdite intervale kohore me diell.
Të Dielen pritet përkeqësim i motit me reshje të herë pas hershme shiu dhe ulje të temperaturave. Do të fryjë erë kryesisht mesatare nga ana e veriut. Në mbrëmje dhe gjatë natës reshjet do të intensifikohen në shumë pjesë të Kosovës dhe Maqedonisë.Në viset më të larta malore mund të ketë reshje të dendura bore. Në Shqipëri të dielen në bregdet kryesisht pa të reshura kurse në viset tjera e sidomos në viset lindore veriore dhe juglindore me riga lokale shiu.
Të Hënën pritet të kemi mot të vranët, të ftohtë, me riga shiu në Kosovë dhe Maqedoni herë pas here. Reshjet në Kosovë do të duhej të ndërpriteshin kurse në Shqipëri do të intensifikohen. Në tërë territorin e Shqipërisë të Hënën priten reshje të dendura shiu kurse lokalisht në bregdet do të ketë edhe rrebeshe të fuqishme me vetëtima dhe bubullimë posaqërisht në jug, ultësirën perëndimore dhe në qendër.
Ishte ky parashikimi i motit nga Meteoballkan sipas ecurive më të reja sinoptike. Nëse ka ndonjë ndryshim eventual ne do të jemi edhe ditëve tjera me ju dhe do tju informojmë me kohë/Meteoballkan.
