“Shiu” më i famshëm i meteorëve për këtë vit do të arrij pikun e tij këtë fundjavë.
Ndërsa “shiu i meteorëve” do të prodhojë rreth 20-25 meteorë çdo orë, ne do ti afrohemi një hëne të plotë, e cila do të krijojë dritë shtesë në qiell. Pavarësisht kushteve hënore më pak ideale, nëse mund të gjeni një vend të mirë larg dritave të qytetit dhe me një qiell kthjellët, do të jetë një nga shfaqjet më të mëdha të vitit.
Pamja e pikut do të fillojë rreth orës 2 të mëngjesit natën e së dielës dhe natën e së hënës dhe do të vazhdojë deri në lindjen e diellit, njofton MeteoBallkan.
Mirëpo çështja qëndron tek retë e bezdisshme, të cilat mund t’ju pengojnë të shihni shumicën ose të gjithë meteorët në varësi të vendit ku do t’i shihni ata. Pjesët veriore dhe juglindore të Evropës do të jenë më në rrezik për një pamje të reduktuar të “shiut të meteorëve” natën e dielës, ndërsa retë e dendura qëndrojnë pezull mbi Skandinavi dhe shtrihen në shtetet baltike.
Shiu do të bjerë në viset malore kohë pas kohe i shoqëruar edhe me borë nga Danimarka, Norvegjia, Suedia dhe Finlanda në shtetet baltike duke shtuar një tjetër pengesë për aadhuruesit e këtij fenomeni.
Nëse kërkoni pamje perfekte, vendi më i mirë do të jetë në pjesën më të madhe të Francës dhe Polonisë pasi në këto zona priten sasi më të vogla të vranësirave. Shiu dhe retë do të kufizojnë shikimin në shumicën e Gadishullit Ballkanik. E njëjta gjë mund të thuhet edhe për Italinë jugore, ndërkohë që disa re mund të përhapen në pjesë të tjera të vendit.
Gadishulli Iberbian perëndimor dhe jugor do të jenë në rrezik për shi dhe re që pengojnë pamjen, ndërsa Spanja verilindore gëzon qiellin më të qartë për këtë shfaqje. /MeteoBallkan
