Erërat veriore kanë filluar dhe kjo është shenjë e afrimit të frontit të ftohtë nga veriu. Ky front nuk përmbanë shumë lagështi dhe për këtë arsye nuk priten reshje atmosferike me ndonjë përjashtim të vogël.
Fronti do të ndikojë në uljen graduale të temperaturave, por mbi të gjitha do të ndikojë shumë në përmirësimin e cilësisë së ajrit. Ajri ende është mjaft i ndotur për shkak të kombinimin të grimcave të ndryshme në atmosferë, duke përfshirë edhe pluhurin saharian, tymin e vullkanit Etna dhe mjegullën. Fronti i ftohtë deri nesër do ti shpërndajë të gjitha duke pastruar ajrin dhe duke përmirësuar cilësinë e ajrit.
Temperaturat do të shënojnë ulje, por nuk pritet ndonjë i ftohtë i madh. Dy tri ditët e ardhshme priten temperatura normale mesatare për këtë periudhë kohore dhe në ndonjë rajon pak nën mesatare. Nga e mërkura temperaturat do të pësojnë ngritje përsëri. Reshje atmosferike nuk priten këto ditë për shkak të ndikimin të fortë anticiklonik, përpos disa rajoneve ku mund të ketë riga afatshkurtra shiu ose ndonjë fjollë afatshkurtër bore./Meteoballkan