Bill Gates, bashkëthemelues i Microsoft dhe një nga njerëzit më të pasur në botë, zotëron tokën bujqësore më të madhe në Shtetet e Bashkuara.
Sipas “Land Report”, ai zotëron 242 mijë hektarë tokë të vendosur në 18 shtete. Miliarderi, pasuria e të cilit u vlerësua nga revista Forbes në 121 miliardë dollarë, ka 69,071 hektarë tokë në Luisiana, 47,927 hektarë në Arkansas dhe 20,588 hektarë në Nebraska.
Në Phoenix, Arizona, ka 27,750 hektarë tokë në të cilën po krijohet një periferi e re, raporton forbes.
Gates raporton se patundshmëritë ka ardhur përmes Cascade Investments, të cilën e përdor për të investuar në kompaninë e sigurisë ushqimore Ecolab, faqen e internetit Vroom për shitjen dhe blerjen e veturave të përdorura dhe hekurudhat kombëtare të Kanadasë, transmeton Telegrafi.
Ende nuk dihet plotësisht se për çfarë e përdor Gates tokën bujqësore dhe nëse përdoret për konservim. Cascade nuk dha komente për këtë çështje, megjithëse Forbes e kërkoi atë.
Sidoqoftë, ka indikacione se toka po përdoret për të arritur qëllimet e themelimit të tyre. Gjegjësisht, Cottonwood Ag Managment, si një degë e Cascade, është pjesë e organizatës jofitimprurëse Leading Harvest, e cila promovon bujqësi të qëndrueshme dhe përparësia është mbrojtja e të korrave, tokës dhe burimeve ujore.
Raporti theksoi se Gates nuk është i vetmi miliarder që zotëron tokë bujqësore. Midis tyre janë themeluesi i CNN-së, Ted Turner dhe udhëheqësi i Amazonit, Jeff Bezos.
